maut bhi meri dastaras men nahin
— A G Josh
Maut bhee meree dastaras men nahin
Aur jiinaa bhee apne bas men nahin
Aag bhaDke to kis tarah bhaDke
Ik sharar bhee to khaar-o-khas men nahin
Qatl-o-ghaarat khulee fazaa kaa naseeb
Aisa khatra koi qafas men nahin
Kya sune koi daastaan-e-wafa
Farq ab ishq aur havas men nahin
Zulm ke saamne ho seena-sipar
Hausla itnaa ham-nafas men nahin
'josh' wo jo kahen karo tasleem
Faa.eda Kuch bhee pesh-o-pas men nahin