kaar naama ai gam e dil kuch tiraa ye kam nahin

Kaar-naama ai gham-e-dil kuch tiraa ye kam nahin Bah ga.e aankhon se Dariya aur aankhen nam nahin Saaf tha har lafz us kee be-badal taqreer kaa Phir lahoo ne naqsh jo chhoDe hain wo mub.ham nahin Har zamaane men nahin pahchaannaa mushkil unhen Sar qalam hote rahenge un ke lekin gham nahin Karbalaa hee ne kiye hain murtasim dil par nuqoosh Varna is dunya men gham kee vaardaaten kam nahin Dil hee dil wo bheegee lakDee kee tarah sulgaa kiyaa Us ke chehre se to lagtaa tha ki koi gham nahin Kaifiyat kaisee ajab is shahr kee yaadon kee hai Garm hai aatish nahin aur sard hai shabnam nahin Ik alag tahzeeb hai tanhaa.iyon ke shahr kee Ek hee aalam hamesha aur koi mausam nahin Phir rahe hain log phir haathon men sang-reze liye Aur apne sar men sauda is ghaDee kuch kam nahin Ham se 'aabid' apne rahbar ko shikaayat ye rahi Aankh moonde un ke peechhe chalne vaale ham nahin