shariik e aalam e kaif o suruur main bhi thaa
— Aabid Adeeb
Shareek-e-aalam-e-kaif-o-suroor main bhee thaa
Ki raat jashn men tere huzoor main bhee thaa
Ajiib vaqt thaa Dunya qareeb thee mere
Ghazab ye thaa tire daaman se duur main bhee thaa
Ghamon ke ghere men jab raqs kar rahi thee hayaat
Tamaash-been kee tarah be-shu.oor main bhee thaa
Na ruknaa raah men shart-e-safar men shaamil thaa
Thakan se varna bahut chuur chuur main bhee thaa
Utar raha thaa lahoo kis balaa kaa aankhon men
Tire khayaal men us dam zaroor main bhee thaa
Guzarte vaqt ne pahre baiThaa diye 'aabid'
Khataa.en un kee na thiin be-qusoor main bhee thaa