abas hai shaakh e qad aavar pe aashiyaan rakhnaa

Abas hai shaakh-e-qad-aavar pe aashiyaan rakhnaa Zameen ko raas kab aaya hai aasmaan rakhnaa Safar karo ki Thahar jaao ik azaab hai ye Qadam ko hijrat-o-manzil ke darmiyaan rakhnaa Kisee kaa shor-e-fughaan sun ke yaad aaya bahut Faseel-e-gham men miraa dard-e-be-zabaan rakhnaa Khulee fazaa men to shabnam bhee baar lagtee hai Agar hai tarz-e-kuhan sar pe saa.ebaan rakhnaa Ye log apnee hee deevaar ke naqab-zan hain Kabhi na bhuul ke tum ghar kaa paasbaan rakhnaa Hai naav maujon kee zad men magar hamen 'aabid' Na aaya baad-e-mukhaalif pe baadbaan rakhnaa