basaaraton ko rah e shauq men ganvaa dekhaa
— Aabid Jafri
Basaaraton ko rah-e-shauq men ganvaa dekhaa
Tujhe na dekhaa magar haan ye haadisa dekhaa
Vajood saunp ke sab kuch bachaa liyaa ham ne
Na aankh men koi aansoo na saaneha dekhaa
Kitaab-e-zeest bhee apnee nahin rahi ki yahaan
Har ik varaq pe nayaa ek haashiya dekhaa
Khilaaf-e-mauj samundar-shanaas bah nikle
Main jis taraf gaya toofaan hee uThaa dekhaa