dil se mahruumii e ehsaas mitaane ke liye
— Aabid Jafri
Dil se mahroomee-e-ehsaas miTaane ke liye
Gul khile hain mire zakhmon ko dukhaane ke liye
Phir se awaaz ke Dariya men mire naam kee naav
Baadbaanon ko uThaatee hai giraane ke liye
Raat Dhaltee hai chalo DhoonD ke jugnoo laa.en
Waada-e-anjum-o-mahtaab nibhaane ke liye
Kuch parinde mire aangan men utar aa.e hain
Baal-o-par tez havaaon se bachaane ke liye
Sar se suraj tiree chaahat kaa Dhalaa hai shaayad
Mujh pe har saaya-e-deevaar giraane ke liye
Apne jazbon ko koi shakl na denaa 'aabid'
Varna soorat ko bhee tarsoge dikhaane ke liye