ghar to luttaa hai magar ham ko mitaane vaale
— Aabid Jafri
Ghar to luTtaa hai magar ham ko miTaane vaale
Kaun se des se laa.enge zamaane vaale
Dhoop bakhshee hai to phir saaya-e-deevaar bhee de
Log suraj ko hain ma.abood banaane vaale
Dil ko aamaada-e-tajdeed-e-wafa kaise karoon
Ris rahe hain abhee naasoor puraane vaale
Yuun to milte hain har ik jism pe be-daagh libaas
UTh ga.e dil pe magar daagh uThaane vaale
Ghar men ghar kee koi soorat to nikaalen 'aabid'
Aane vaale hain kabhi ke nahin aane vaale