gul sadaaqat se mahakte hue taasiir men rakh

Gul sadaaqat se mahakte hue taaseer men rakh Saaneha dil pe jo guzre vahee tahreer men rakh Taaq-e-zindaan men charaagh-e-gham-e-hastee na jalaa Aatish-e-ishq-e-daroon halqa-e-zanjeer men rakh Khisht-e-be-faiz jo aaraasta guftaar men hai Us ko buniyaad banaa kar kisee ta.ameer men rakh Zulmaton se kisee ghar kee nahin hotee pahchaan Sang-o-gul hee nahin Kuch nuur bhee jaageer men rakh Kab talak dosh pe khawabon ke karegaa parvaaz Ham-nasheen azm-e-safar vaadee-e-taa'beer men rakh Diid kee ziist se taa-marg talab aa pahunchee Heela-joo aur bahaane too na taakheer men rakh Sarvaree zor-e-takallum se na mil paa.egee Ham-nasheen ijz-e-bayaan khoobee-e-taqreer men rakh