kar chukaa phuul main jab saare jahaan ke patthar
— Aabid Jafri
Kar chukaa phuul main jab saare jahaan ke patthar
Aa paDe sar pe mire jaane kahaan ke patthar
Zarf-e-dil men namee-e-ashk-e-haqeeqat na rahi
Itne bakhshe hamen logon ne gumaan ke patthar
Pa-e-haq dar-pa.e-paikaar koi miltaa nahin
Bandh ga.e paanv se kya vahshat-e-jaan ke patthar
Khaak men mil ga.e sab phuul se logon ke vajood
Lag ga.e qabr pe bas naam-o-nishaan ke patthar
Koo-ba-koo ho ga.iin ta.ameer ibaadat-gaahen
Jam.a karte hee rahe ham to makaan ke patthar
Zindagee ke liye gauhar vahee Thahre 'aabid'
Log kahte hain jinhen fikr-e-javaan ke patthar