kaun tha jo dast e qaatil ke liye tayyaar tha
— Aabid Jafri
Kaun tha jo dast-e-qaatil ke liye tayyaar tha
Ek main hee bazm-e-ahl-e-khvaab men bedaar tha
Bhar liye hain teergee se ghar kee deevaaron ke ghaav
Kya nayaa suraj hamaare vaaste aazaad tha
Khushk nahron se sadaa-e-tishnagee aatee rahi
Aur samundar mauj-e-be-awaaz se sarshaar tha
Aa rahe the mausamon ke naam phoolon ke payaam
Tum na the to mausam-e-gul bhee nigah men khaar tha
De diyaa ghar ke charaaghon ko havaa kee god men
Log kahte the ki ik saaya pas-e-deevaar tha
Ab bhee yuun lagtaa hai jaise har khabar ho aaj kee
Is liye barson puraanaa mez par akhbaar tha