main ajnabii raha sab se magar sabhii men raha
— Aabid Jafri
Main ajnabee raha sab se magar sabhee men raha
Ye hausla bhee yahaan par kisee kisee men raha
Qabaa-e-azmat-e-insaan milee faqeeron ko
Faqeeh-e-shahr to kya kya na sarvaree men raha
Khinchaa hai zakhm-e-adaavat se dostee kaa lahoo
Jise aziiz rakhaa jaan se dushmanee men raha
Charaagh rakh diye sooraj ke saamne laa kar
Magar wo farq na jaanaa jo raushnee men raha
Zabaan khultee to hota qadam qadam maqtal
Sukoot khauf kee soorat galee galee men raha