shab ki aagosh men jaagaa huaa ghar kis kaa hai

Shab kee aaghosh men jaagaa huaa ghar kis kaa hai Us pe aaseb nahin hai to asar kis kaa hai Aisa sailaab ki jangal ko bahaa le jaa.e Aise sailaab men be-barg shajar kis kaa hai Ungliyon men utar aa.e hain basaarat ke rumooz Teergee men rahe makhfee ye hunar kis kaa hai Be-charaaghee hee rahi apne gharon kee meeraas Raushnee poochhtee phirtee hai ki dar kis kaa hai Wo musaafir to gaya chhoD ke yaaden apnee Kis ko batlaa.oon ki ye zaad-e-safar kis kaa hai Tum miree raah se ho kar nahin guzre ho to phir Naqsh-e-paa ye taraf-e-raahguzar kis kaa hai Phir se mad.hosh-e-tamanna ke hue hosh-ba-jaa Ham pe 'aabid' ye karam baar-e-digar kis kaa hai