wo dil ki jhiil men utraa thaa ek saaat ko

Wo dil kee jhiil men utraa thaa ek saa.at ko Ye umr ho ga.ee hai sahte is malaamat ko Kaheen to saaya-e-deevaar-e-aagahee mil jaa.e Koi to aa.e kare khatm is masaafat ko Tumheen se mil ke miree dil se aashnaa.ee ho Tumhaare baad hee jaanaa hai is qayaamat ko Wo ek shakhs mujhe kar gaya sabhee se judaa Taras raha hoon main jis shakhs kee rifaaqat ko Ajiib log hain is shahr ke ba-naam-e-wafa Havaa.en dete hain har sho.ala-e-adaavat ko Javaaz bhee to koi ho miree tabaahee kaa Chhupaa rahe ho tabassum men kyon nadaamat ko Ga.e dinon kaa manaate ho sog phir 'aabid' Hamen yaqeen hai na badloge apnee aadat ko