ye daag e hijr nahin mit sakaa jabiin kaa lagaa
— Aabid Jafri
Ye daagh-e-hijr nahin miT sakaa jabeen kaa lagaa
Zameen kaheen kee hai paivand hai kaheen kaa lagaa
Milaa hai dasht hamen justujoo men manzil kee
Gumaan tha paanv men aur aabla yaqeen kaa lagaa
Hamaaraa naam-o-nasab ham se poochhne vaale
Lahoo na is tarah daaman pe aasteen kaa lagaa
UThaa ke dosh pe kheme nikal paDe ham log
Zaraa na khauf hamen ajnabee zameen kaa lagaa