ye kis ne ahd e faraamosh se sadaa dii hai

Ye kis ne ahd-e-faraamosh se sadaa dee hai Abhee charaagh jalaa.e hee the havaa dee hai Ye virsa ham se na.ee nasl ko kabhi na mile Zabaan hamaare buzurgon ne be-navaa dee hai Khiraaj-e-aarzoo-e-mausam-e-bahaar hai ye Lahoo lahoo jo mire pairahan kee vaadee hai Koi bhee ghar se na nikle charaagh-e-dil le kar Ameer-e-shahr kee ye shahr men munaadee hai Milee hai ye mah-o-anjum se dostee kee sazaa Ki aaftaab ne beenaa.ee tak jalaa dee hai Kahaan se kaaTo.ge kal tum masarraten 'aabid' Ye fasl-e-ashk jo har aankh men ugaa dee hai