baad marne ke koi bosa e rukhsat degaa
— Aabid Umar
Baa'd marne ke koi bosa-e-rukhsat degaa
Kya khuda mujh ko bhee aisi bhalee qismat degaa
Zindagee hai ye miyaan ranj-o-alam to honge
Jo guzaaregaa wo laazim hai ki qeemat degaa
Farzee Dunya se nikal aur haqeeqat likh de
She'r parvaaz karegaa tujhe 'izzat degaa
Dekh maayoos na ho kufr nahin kar pyaare
Be-dilee chhoD khuda tujh ko bhee raahat degaa
Kar ga.ee 'umr akaarat miree haa.e haa.e
Ik ghalat-fahmee ki too mujh ko mohabbat degaa
Kul milaa ke hai asaasa miraa ye umr-e-ravaan
Rad nahin hogee du'aa rab miraa barakat degaa
Main to samjhaa thaa mohabbat kaa bulaavaa hai 'umar'
Kya khabar thee wo mujhe maut kee daavat degaa