buraa hi kya thaa jo aap apnii misaal hote kamaal hote

Buraa hee kya thaa jo aap apnee misaal hote kamaal hote Kisee tarah se jo TuuTe rishte bahaal hote kamaal hote Ye lailaa majnoon ye hiir raanjhaa ye sheereen farhaad kee mohabbat Thee aisi shiddat kaheen jo un ke visaal hote kamaal hote PaDhaa nahin thaa nisaab-e-ulfat amal men aage the har kisee se Samajhtee Dunya agar hamen be-misaal hote kamaal hote Wo mujh se miltaa khamosh rahtaa khamoshiyon par hee daad paataa Magar jo nazron se munfarid se savaal hote kamaal hote Ye kya ki tanhaa.iyon se rishta banaa ke khud ko ganvaa liyaa hai Samaa ke mujh men jo aap meraa jamaal hote kamaal hote Jise bhee dekhaa usee ko da.avaa-e-husn karte sunaa gaya hai Jahaan bhar men haseen agar khaal-khaal hote kamaal hote Naseeb apna sukhanvaron men hamaaree gintee na ho sakegee 'umar' adaakaar ham agar baa-kamaal hote kamaal hote