varaq vahii thaa magar duusrii parat chaahii

Varaq vahee thaa magar doosree parat chaahee Ki main ne us kee mohabbat se manfa.at chaahee Mazaa ajab thaa mohabbat bharee laDaa.ee men Ki chheD kar use fauree muzaahimat chaahee BichhaDte vaqt use muD ke bhee nahin dekhaa Tamaam umr judaa.ee men aafiyat chaahee Main aur hee thaa judaa hee thaa is zamaane se Aur us ne qais ke jaisee mutaabaqat chaahee Khud apnee ziist ko barbaad kar liyaa aakhir Ki jis ne mujh se zaraa bhee munaafiqat chaahee Na jaane kyon mujhe Thukraa diyaa zamaane ne Na seem-o-zar kee talab kee na saltanat chaahee Bas ek baar mujhe khol kar paDhaa 'aabid' Phir us ne meree mohabbat se ma.azarat chaahee