mujh ko mujh se hi judaa kartii hai
— Aadarsh Dubey
Mujh ko mujh se hee judaa kartee hai
Wo mujhe roz nayaa kartee hai
Baad men rakhtee hai koi marham
Pahle wo zakhm haraa kartee hai
Koi to hai jo mire is dil ko
Ek khat roz likhaa kartee hai
Ham wo ujDee huee bastee jis ke
Badduaa saath raha kartee hai
Rishta koi bhee ho lekin aurat
Apna har farz adaa kartee hai
Jab bhee haathon men uThaataa hoon qalam
Teree tasveer banaa kartee hai
Main abhee us ko nahin jaan sakaa
Jo mire haq men duaa kartee hai