ummiid kaa charaag jalaa kar chalaa gaya
— Aadarsh Dubey
Ummeed kaa charaagh jalaa kar chalaa gaya
Ik shakhs mere khvaab men aa kar chalaa gaya
Us ke hee dam se naqsh-o-nigaar-e-bahaar hai
Patthar men bhee jo phuul khilaa kar chalaa gaya
Deevaar kee tarah main tire raaste men tha
Aur ret kee tarah too giraa kar chalaa gaya
Aaya tha kaun khvaab men chingaariyaan liye
Neendon men meree aag lagaa kar chalaa gaya
Yoonhee nahin huaa hoon main patthar mire aziiz
Aa.eena koi mujh ko dikhaa kar chalaa gaya