koi kamaal huaa phir na is kamaal ke baa d

Koi kamaal huaa phir na is kamaal ke baa'd Ki ek shakhs na bhaayaa tire visaal ke baa'd Use malaal ki main ne use chhuaa hee nahin Mujhe malaal ki us ne kahaa malaal ke baa'd Kabhi bhee ishq jo karnaa to soch kar karnaa Ye tajraba hai miraa yaar apne haal ke baa'd Barahna ruuh thee jab tak koi tamaasha na thaa Ye sab shurooa huaa ek khadd-o-khaal ke baa'd Ajiib rang dikhaa.e hain ishq ne tere Ki main uruuj pe aayaa mire zavaal ke baa'd Tire visaal se niklaa to hijr Toot paDaa Main phir se jaal men aayaa hoon ek jaal ke baa'd