main jal gaya thaa jise raasta dikhaate hue
— Aadil Farhat
Main jal gaya thaa jise raasta dikhaate hue
Use taras nahin aayaa mujhe bujhaate hue
Tire visaal se behtar to hijr hota hai
Tire qareeb main aataa hoon duur jaate hue
Na-jaane kaun se kooza-garon ke haath lagaa
Bahut udheDaa gaya hai mujhe banaate hue
Mahak badan se abhee tak nahin ga.ee us kee
Wo jis ne khushboo bikheree gale lagaate hue
Ajiib tarah kee vahshat hai mere chaaron taraf
Ki ab to khvaab bhee Darte hain mujh tak aate hue
Mujh aise shakhs ko zaa.e.a kiyaa gaya 'farhat'
Bhulaa dee jaise koi shai kaheen chhupaate hue