phuut kar rouun na kyon main khvaab ki taabiir par

PhuuT kar ro.uun na kyon main khvaab kee ta.abeer par Khoon ke dekhe hain qatre aaj phir zanjeer par Ek main jo naa-tavaan thaa ishq karne ke liye Aur wo research puuree kar chukaa thaa 'meer' par Ishq mujh par is tarah haavee huaa hai dosto Jis tarah tasveer girtee hai kisee tasveer par BeTiyaan to is liye bhee be-wafa hain ishq men Baap kee pagDee hai bhaaree ishq kee taaseer par Aaj khud taqdeer par rotaa huaa dekhaa use ChhoD kar mujh ko gaya thaa jo miree taqdeer par