sach huaa khvaab to taa biir nahin khiinch sakaa

Sach huaa khvaab to taa'beer nahin kheench sakaa Main tire jism pe tahreer nahin kheench sakaa Main ne chaahaa thaa tire dard se mahzooz rahoon Dard bhee wo ki jise 'meer' nahin kheench sakaa Muddaton baa'd tire saath kisee ko dekhaa Itnaa ghabraayaa ki tasveer nahin kheench sakaa Wo nazar aa.ee mujhe rail kee khiDkee se magar Tai-shuda vaqt men zanjeer nahin kheench sakaa Roz laDtaa hoon main khud apne hee saa.e ke khilaaf Wo shajar hoon ki jo rahgeer nahin kheench sakaa Tere shaane ko mayassar hain sabhee sar lekin Apne shaane men wo taaseer nahin kheench sakaa