dil savaal kartaa hai koi mah jabiin hai kya
— Aadil Muzaffarpuri
Dil savaal kartaa hai koi mah-jabeen hai kya
Zakhm jis se milte hain jaan ke qareen hai kya
Pahle roz milte the ab kabhi nahin milte
Ham se dil-nasheen dilkash koi ham-nasheen hai kya
'ishq se mohabbat se tum ko khauf aataa hai
Dard se bharee Dunya is qadar haseen hai kya
Dar to chhooT jaane kaa har kisee ko hota hai
Ham bichhaDne vaale hain ho gaya yaqeen hai kya
Kya huaa jo haarenge in jahaan vaalon se
Jiit jaane vaalon kee sirf ye zameen hai kya
Tum anaa-pasand 'aadil' aur na keena-parvar ho
Mil gaya khuda tum ko jhuk ga.ee jabeen hai kya