lage hai mujhe ye sazaa zindagii
— Aadil Muzaffarpuri
Lage hai mujhe ye sazaa zindagee
Hai sahraa kee taptee havaa zindagee
Na khwaish na koi tamanna mujhe
Qadam jaldee jaldee baDhaa zindagee
Main zakhmon kaa paikar hoon TuuTaa huaa
Too mujh ko na gham se Daraa zindagee
Mohabbat nahin koi anmol shai
Na 'aashiq kee har ik adaa zindagee
Wo mayyat ke meree qareeb aa.e hain
GhaDee-do-ghaDee lauT aa zindagee
Agar mujh se mahshar men poochhegaa wo
To kah doongaa thee ik khataa zindagee
Jo 'aadil' kee ghazlon kaa 'aashiq mile
To kar doongaa us pe fidaa zindagee