hai asar is tarah dil par ishq ki taasiir kaa

Hai asar is tarah dil par ishq kee taaseer kaa Aaj-kal hai haal jaisaa vaadee-e-kashmeer kaa Yuun to Dunya kaa koi manzar mujhe bhaayaa nahin Haan magar shaidaa huaa hoon main tiree tasveer kaa Hai miree Dunya men teree ahmiyat Kuch is tarah Martaba hai shaa.eree men jis tarah se 'meer' kaa Yaad tum aaoge mujh ko meree jaan ye jaan lo Zikr jab bhee aa.egaa meree ghazal men hiir kaa Main ne to bas ain likkhaa thaa lifaafe par magar Jaane kya samjhaa hai matlab us ne is tahreer kaa Tum se milnaa aur phir mil kar bichhaD jaane kaa gham Faisla shaayad yahee hai kaatib-e-taqdeer kaa Sher main ne bhee sunaa.e khuub 'raahee' raat-bhar Zikr chheDaa thaa kisee ne bazm men jab 'meer' kaa