tuu ne hi har qadam pe diyaa hausla mujhe

Too ne hee har qadam pe diyaa hausla mujhe Yaarab nahin hai tere sivaa aasraa mujhe Ik baar us ne kah to diyaa dilrubaa mujhe Taktaa raha main aa.ine ko aa.ina mujhe Jin ke liye sanad thee miree baat kal talak Dene lage hain aaj vahee mashvara mujhe College men is liye bhee to jaataa raha ki wo Ai kaash ik nazar hee sahee dekhtaa mujhe Naaraaz apne aap se hoon maan yaa na maan Tujh se shikaayaten hain na koi gila mujhe Har aan har khushee hai milee is ke baavajood Kyon lag rahi hai zindagee meree sazaa mujhe Haafiz miraa khuda hai so kahnaa fuzool hai Apne sivaa kisee kaa nahin aasraa mujhe Is 'ain shiin qaaf men ik pal sukoon nahin Deta hai jaise 'raahee' koi bad-du'aa mujhe