chaand taare banaa ke kaagaz par

Chaand taare banaa ke kaaghaz par Khush hue ghar sajaa ke kaaghaz par Bastiyaan kyuun talaash karte hain Log jangal ugaa ke kaaghaz par Jaane kya ham se kah gaya mausam Khushk pattaa giraa ke kaaghaz par Hanste hanste miTaa diye us ne Shahr kitne basaa ke kaaghaz par Ham ne chaahaa ki ham bhee uD jaa.en Ek chiDiyaa uDaa ke kaaghaz par Log saahil talaash karte hain Ek Dariya bahaa ke kaaghaz par Naav sooraj kee dhoop kaa Dariya Tham ga.e kaise aa ke kaaghaz par Khvaab bhee khvaab ho ga.e 'aadil' Shakl-o-soorat dikhaa ke kaaghaz par