jo ashk ban ke hamaarii palak pe baithaa thaa

Jo ashk ban ke hamaaree palak pe baiThaa thaa Tumhen bhee yaad hai ab tak wo khvaab kis kaa thaa Hamesha poochhtee rahtee hai raaston kee havaa Yoonhee ruke ho yahaan yaa kisee ne rokaa thaa Lagaa huaa hai abhee tak ye jaan ko khaTkaa Ki us ne jaate hue kyuun palaT ke dekhaa thaa Khabar kise hai kise poochhiye bataa.e kaun Puraane qasr men kya sub.h-o-shaam jaltaa thaa Vajood hai ye kaheen bah na jaa.e lahron men Giraa giraa ke palak aabjoo ko rokaa thaa Fazaa.en aisi to 'aadil' kabhi na mahkee thiin Havaa ke haath pe ye kis kaa naam likkhaa thaa