safar ke baa d bhi mujh ko safar men rahnaa hai

Safar ke baa'd bhee mujh ko safar men rahnaa hai Nazar se girnaa bhee goyaa khabar men rahnaa hai Abhee se os ko kirnon se pee rahe ho tum Tumhen to khvaab saa aankhon ke ghar men rahnaa hai Havaa to aap kee qismat men honaa likkhaa thaa Magar main aag hoon mujh ko shajar men rahnaa hai Nikal ke khud se jo khud hee men Doob jaataa hai Main wo safeena hoon jis ko bhanvar men rahnaa hai Tumhaare baa'd koi raasta nahin miltaa To tai huaa ki udaasee ke ghar men rahnaa hai Jalaa ke kaun mujhe ab chale kisee kee taraf Bujhe diye ko to 'aadil' khanDar men rahnaa hai