zindagii kaise ajab mod pe le aaii hai
— Aafreen Faheem Aafi
Zindagee kaise 'ajab moD pe le aa.ee hai
BhiiD see bhiiD hai tanhaa.ee see tanhaa.ee hai
Jo bhee miltaa hai du'aa deta hai marne kee mujhe
Dil lagaane kee bhee kya khuub sazaa paa.ee hai
Sar uThaatee huee hasrat kaa huaa qatl-e-'aam
Dil wo dunya hai jahaan 'aalam-e-tanhaa.ee hai
Tum mire saamne aao to 'inaayat hogee
Dil kee dahleez pe baiThee huee tanhaa.ee hai
Jis ke jiine ke liye tum ne du'aa maangee ho
Aise 'aashiq ko bhalaa maut kahaan aa.ee hai
Khaak rakkhegaa mire zakhm pe marham 'aafee'
Ye zamaana jo haqeeqat men tamaashaa.ee hai