zulm ki jo bhi mazammat nahin karne vaale

Zulm kee jo bhee mazammat nahin karne vaale Aise logon kee ham 'izzat nahin karne vaale Saath le aa.egee phir se koi bint-e-havvaa Is liye khwaish-e-jannat nahin karne vaale Aakhiree saans talak Toot ke chaahenge tumhen 'ishq ham hasb-e-zaroorat nahin karne vaale 'ishq men teree jagah aur kisee ko de kar Ham amaanat men khayaanat nahin karne vaale Khvaab aankhon ke jinhen saunp diye hain tum ne Wo to khawabon kee hifaazat nahin karne vaale Ham se 'aafee' jo milo milnaa khuloos-e-dil se Ham munaafiq kee to 'izzat nahin karne vaale