chaahat gamze jataa rahii hai
— Aagha Akbarabadi
Chaahat ghamze jataa rahi hai
Vahshat sahraa dikhaa rahi hai
Ghunchon kaa jigar hilaa rahi hai
Bulbul kya gul khilaa rahi hai
Yoosuf kaa pataa lagaa rahi hai
Khushboo kan.aan men aa rahi hai
Sheereen kya rang laa rahi hai
'aashiq kaa lahoo bahaa rahi hai
Kis shokh ko deejiye dil-e-zaar
Kis men saahab wafa rahi hai
Aavaaza-e-faiz hai jahaan men
Jis kee shohrat sadaa rahi hai
Daa.in hai paree-vashon kee furqat
Dil khaa ke kaleja khaa rahi hai
Jaan nazr huee paree-rukhon kee
MiTTee ko havaa uDaa rahi hai
Chaahat kee kashish ne lo Dubo dee
Yoosuf ko kun.en jhukaa rahi hai
Dil men jo base hue hain gul-roo
Surkhee aankhon men chhaa rahi hai
Gahtaa hoon jabeen ko paa-e-but se
Taqdeer likhaa miTaa rahi hai
Hanste hue dekh kar gulon ko
Shabnam aansoo bahaa rahi hai
Andher kaa aaj saamnaa hai
Surma wo paree lagaa rahi hai
Kyuun jaan nahin nikaltee 'aaghaa'
Kaise sadme uThaa rahi hai