daur saagar kaa chale saaqii dobaaraa ek aur

Daur saaghar kaa chale saaqee dobaaraa ek aur Abr kaa'ba se uThaa hai maan kahnaa ek aur Jhoomtaa aataa hai wo baadal kaa TukDaa ek aur Saaqiyaa bhar kar pilaa de jaam-e-sahbaa ek aur Din ko jo Kuch tum ne dekhaa ye to thee sab dil-lagee Shab ko rah jaao to dikhlaa.en tamaashaa ek aur Main unhen kahtaa hoon tum bedard ho naa-aashnaa Wo lagaate hain mujhe ilzaam ulTaa ek aur Dil ko nafrat ho ga.ee nazron se aakhir gir ga.e Tum se behtar apnee aankhon men samaayaa ek aur Kyuun sisaktaa chhoDe jaate ho mujhe maqtal men tum Faisla kar duun main qurbaan de ke charkaa ek aur Tere aane men tavaqquf jab huaa ai naama-bar Khat unhen bechain ho kar ham ne likkhaa ek aur Band mahram ke khule Kuch be-hijaabee ho chukee Wo bhee ab uTh jaa.e jo baaqee hai pardaa ek aur Dost dushman ho ga.e yaaron ne aankhen pher liin Rah gaya hai aap kaa mujh ko bharosaa ek aur Vasl kee shab men kiyaa murgh-e-sahar kaa band-o-bast Na.ara-e-allaahu-akbar kaa hai dhaDkaa ek aur Ho chukaa zikr-e-dahan vasf-e-kamar likhte hain ham Daam men sayyaad ke phanstaa hai anqaa ek aur Said kee kasrat se 'aaghaa' ban paDee sayyaad kee Do ne gar paa.ee rihaa.ee aa ke uljhaa ek aur