hamaare saamne Kuch zikr gairon kaa agar hogaa

Hamaare saamne Kuch zikr ghairon kaa agar hogaa Bashar hain ham bhee saahab dekhiye naahaq kaa shar hogaa Na muD kar too ne dekhaa aur na main taDpaa na khanjar Na dil hovegaa teraa saa na meraa saa jigar hogaa Main Kuch majnoon nahin hoon jo ki sahraa ko chalaa jaaon Tumhaare dar se sar phoDoongaa sauda bhee agar hogaa Chaman men laa.ee hogee to sabaa-mashshaatgee kar ke Jo gul se aage lipTaa hai kisee bulbul kaa par hogaa Taree kaa bhee vahee maalik hai jo maalik hai khushkee kaa Madad-gaar apna har mushkil men shaah-e-bahr-o-bar hogaa Tasavvur zulf kaa gar chhoD duun mizhgaan kaa khaTkaa hai Jo sar ke dard se fursat milee dard-e-jigar hogaa Tabeebo tum abas aa.e main kushta hoon firangan kaa Miree tadbeer karne ko muqarrar doctor hogaa Kisee ko koste kyuun ho duaa apne liye maango Tumhaaraa faa.eda kya hai jo dushman kaa zarar hogaa Mazaa aa.egaa deevaanon kee baaton men paree-zaado Jo 'aaghaa' kaa kisee din dasht-e-majnoon men guzar hogaa