jiite ji ke aashnaa hain phir kisi kaa kaun hai

Jeete-jee ke aashnaa hain phir kisee kaa kaun hai Naam ke apne huaa karte hain apna kaun hai Jaan-e-jaan tere sivaa rashk-e-maseehaa kaun hai Maar kar Thokar jilaa de mujh ko aisa kaun hai Ye siyah khema hai kis kaa is men lailaa kaun hai Chamber-e-aflaak ke parde men baiThaa kaun hai Ham na kahte the ki sauda zulf kaa achchhaa nahin Dekhiye to ab sar-e-baazaar rusvaa kaun hai Wo to hai be-noor aur ye nuur se maa'moor hai Chashm ko nargis kahegaa aisa andhaa kaun hai Dam-ba-dam har baat men karte ho ThanDee garmiyaan Aap kee ukhDee huee baaton pe jamtaa kaun hai Vaadee-e-vahshat men bhee ham-raah hain aah-o-fughaan Apne hamdam saath hain ai jaan tanhaa kaun hai Khair hai ai mehrbaan kis ne unhen seedhaa kya Aap kyuun bal karte hain zulfon se uljhaa kaun hai Dukhtar-e-raz sach bataa teree nazar kis par paDee TaTTiyon kee aaD men se kis ko taakaa kaun hai Aaj maqtal men khaDe kahte hain wo khanjar-ba-kaf Bol uTThe chaahne vaalaa hamaaraa kaun hai Chaar din jo Kuch tamaashaa dekhnaa hai dekh le Sair ko phir gulshan-e-Dunya men aataa kaun hai Baandh kar tegh o kafan jaate hain us qaatil ke paas Ham bhee dekhen rokne vaalaa hamaaraa kaun hai Kya tajaahul hai ki wo farmaate hain aghyaar se Main nahin pahchaantaa mutlaq ki 'aaghaa' kaun hai