khud mazedaar tabiiat hai to saamaan kaisaa

Khud mazedaar tabee.at hai to saamaan kaisaa Zakhm-e-dil aap hain shorish pe namak-daan kaisaa Haath vahshat men na ponchhe to garebaan kaisaa Khaar-e-sahraa se na uljhe to wo daamaan kaisaa Koocha-e-yaar ko da.avaa hai ki jannat main hoon Khuld kahte hain kise rauza-e-rizvaan kaisaa Usee ma.abood kaa hai dair-o-haram men jalva Bahs kis baat kee hai gabr o musalmaan kaisaa Va.ada-e-baada-e-at.har kaa bharosa kab tak Chal ke bhaTTee pe piyen jur.a-e-irfaan kaisaa Ham hue 'qais' hue 'vaamiq' o 'farhaad' hue Zulf-e-pur-kham ne kiyaa sab ko pareshaan kaisaa Duur ke Dhol hain yoosuf kee kahaanee saahab Kis ko ma.aloom hai hogaa mah-e-kan.aan kaisaa Tere qurbaan main itnaa to bataa de qaatil Meree gardan pe chalaa khanjar-e-burraan kaisaa Dil ke aa.eene men tasveer-e-sanam rakhtaa hai Nahin ma.aloom ki 'aaghaa' hai musalmaan kaisaa