malte hain haath haath lagenge anaar kab

Malte hain haath, haath lagenge anaar kab Joban kaa un ke dekhiye hogaa ubhaar kab Ushshaaq muntazir hain qayaamat kab aa.egee Be-parda munh dikhaa.egaa wo parda-daar kab Ik roz apnee jaan pe ham khel jaa.enge Tum poochhte rahoge yoonhee baar baar kab Bekas ko kaun ro.e ghareebon kaa kaun hai Meree lahad pe sham.a huee ashk-baar kab Kaun aayaa paDhte faatiha kis ne chaDhaa.e phuul Marne ke ba.ad poochhtaa hai koi yaar kab Ummeed naa-umeed ko un se nahin rahi Dushman ke dost hain wo hue mere yaar kab Jo oonche oonche hain vahee jaate hain baam par Mahfil men ham ghareebon ko miltaa hai yaar kab Jab naqd maal too ne diyaa ham ne naqd-e-dil Saaqee hamen bataa de ki pee thee udhaar kab Milnaa chhuDaayaa tum se miraa rashk-e-ghair ne Kartaa hai koi aap se jabr ikhtiyaar kab 'aaghaa' ko zab.h karte ho apnee galee men kyuun Jaa.ez hai meree jaan haram men shikaar kab