mazaa hai imtihaan kaa aazmaa le jis kaa ji chaahe

Mazaa hai imtihaan kaa aazmaa le jis kaa jee chaahe Namak zakhm-e-jigar par aur Daale jis kaa jee chaahe Jigar maujood hai to wo banaa le jis kaa jee chaahe Galaa haazir hai khanjar aazmaa le jis kaa jee chaahe Agar hai husn kaa da.avaa mah o khursheed donon men Kaf-e-paa se tumhaare munh milaa le jis kaa jee chaahe Ye musht-e-ustukhvaan apne kisee ke kaam men aa.en Humaa ho yaa sag-e-dildaar khaa le jis kaa jee chaahe Agar hai zindagee baaqee to ham hasrat nikaalenge Dil-e-pur-aarzoo par khaak Daale jis kaa jee chaahe Faqeeron ko nahin Kuch zeenat-e-Dunya se matlab hai Main khush kambal men hoon oDhe doshaale jis kaa jee chaahe Jo raushan dil men un kee raushnee chhuptee nahin hargiz Mah-e-taabaan pe saahab khaak Daale jis kaa jee chaahe Shikaayat mujh ko donon se hai naaseh ho ki vaa.iz ho Na samjhaa hoon na samjhoon sar phiraa le jis kaa jee chaahe Main hoon barg-e-khizaan-uftaada main mardood dahqaan hoon Giraa hoon un kee nazron se uThaa le jis kaa jee chaahe Nahin hota kabhi aab-e-ravaan par shak najaasat kaa Mire ashkon ke Dariya men nahaa le jis kaa jee chaahe Chaman men gul ke murjhaane se 'aaghaa' ho gaya saabit Bisaan-e-ghuncha dam bhar muskuraa le jis kaa jee chaahe