muddat ke baad is ne likhaa mere naam khat

Muddat ke ba.ad is ne likhaa mere naam khat Meree shikaayaton se bharaa hai tamaam khat Ghabraa na is qadar dil-e-betaab sabr kar Aataa hai koi roz men ab sub.h-o-shaam khat Likkhaa huaa hai khaas tumhaare hee haath kaa Pahchaantaa hai khuub tumhaaraa ghulaam khat Tahreer un kee siina pe rakh deejiyo mire Badle javaab-e-naama ke aa.egaa kaam khat Likkhaa hai ab na likkhenge ham koi khat tujhe Khat aayaa meree maut kaa laayaa payaam khat Zaa.e' na jaa.egee tiree mehnat kisee tarah Qaasid ajoora deta hoon Chutki men thaam khat Aashiq-navaaziyaan hain tabee.at men yaar kee Likkhaa hai har maheene men bhejo mudaam khat Tahreer kar ke saikaDon va.ade mukar ga.e Dikhlaa.oongaa huzoor ko roz-e-qayaam khat Khat likh ke aaj Daak pe pahunchenge yaar ko Pahunchaa.egaa hamaaraa payaam-o-salaam khat 'aaghaa' nisaar hojiye in.aam deejiye Laayaa hai un kaa qaasid-e-sarsar-khiraam khat