nahin mumkin ki tire hukm se baahar main hoon

Nahin mumkin ki tire hukm se baahar main hoon Ai sanam taabe-e-farmaan-e-muqaddar main hoon Dil to hairaan hai kyuun shashdar-o-muztar main hoon Ishq kahtaa hai ki us parde ke andar main hoon Pairav-e-silsila-e-zulf-e-muambar main hoon Tauq se uzr na zanjeer se baahar main hoon Aab-roo-e-sadaf o zeenat-e-gosh-e-mahboob Durr-e-naayaab jo sunte ho wo gauhar main hoon Ab subuk-dosh main hoon bojh gale kaa Tal jaa.e Tegh-e-qaatil se ilaahee kahen be-sar main hoon Taa.er-e-qibla-numaa kaa hai ishaara mujh se Naama pahunchaane ko pardaar kabootar main hoon Aa.ee phir fasl-e-bahaaree madad ai josh-e-junoon Do qadam chal nahin saktaa hoon wo laaghar main hoon Nutq kahtaa hai ki iisaa miraa dam bhartaa hai Dahan-e-yaar ko da.avaa hai ki kausar main hoon Jaadoo bar-haq hai to kaafir hai ayaan raa-che-bayaan Teraa maaraa huaa ai chashm-e-fusoon-gar main hoon Mohtasib ko bhee hidaayat karoon mai-noshee kee Vaa.izaa teree jagah gar sar-e-mimbar main hoon Na unhen meree shikaayat na mujhe un kaa gila Na kudoorat unhen mujh se na mukaddar main hoon Hairat-e-husn se ik sakta kaa aalam dekhaa Aa.eena munh ko tire taktaa hai shashdar main hoon Daur-e-farhaad gaya ye hai zamaana meraa Be-sutoon ab to uThaa.e hue sar par main hoon Aaj-kal husn-e-javaanee pe jo hai un ko ghuroor Naaz kahtaa hai ki andaaz se baahar main hoon Barq o seemaab kaa 'aaghaa' na rahe naam-o-nishaan Dil kee betaabee se ik baar jo muztar main hoon