sarv qad laala rukh o guncha dahan yaad aayaa

Sarv-qad laala-rukh o ghuncha-dahan yaad aayaa Phir bahaar aa.ee mujhe lutf-e-chaman yaad aayaa Go ki thee saltanat-e-misr magar aakhir-e-kaar Is hukoomat pe bhee yoosuf ko vatan yaad aayaa Rag-e-gul par hai kabhi aur kabhi ghunche pe nigaah Baagh men kis kee kamar kis kaa dahan yaad aayaa Safar-e-mulk-e-adam kee huee aisi ujlat Zaad-e-rah kuch na ba-juz gor-o-kafan yaad aayaa Sohbat-e-laala-rukhaan ahd-e-shabaab-o-shab-e-vasl Mai-e-kohna jo milee daagh-e-kuhan yaad aayaa Jab se aayaa hai nazar ye tiraa husn-e-be-daagh Kabk ko maah na bulbul ko chaman yaad aayaa Tere saudaai ko phir josh huaa vahshat kaa Qaidee-e-zulf ko phir tauq-o-rasan yaad aayaa Paan khaa kar jo ugaal aap ne thookaa saahab Jauharee mahv hue la.al-e-yaman yaad aayaa Ba.ad muddat ke talab aap ne bande ko kiyaa Shukr-sad-shukr main ai mushfiq-e-man yaad aayaa Fasl-e-gul aate hee 'aaghaa' ne bhee vahshat kee lee Kaisee ye chaal chalaa kis kaa chalan yaad aayaa