shiddat e zaat ne ye haal banaayaa apna

Shiddat-e-zaat ne ye haal banaayaa apna Jism-e-majnoon men huaa tang shalokaa apna Yaar bantaa nahin wo nuur kaa putlaa apna Khaak men mil gaya taskheer kaa da.avaa apna Mai-kashon men na koi mujh saa namaazee hogaa Dar-e-mai-khaana pe bichhtaa hai musallaa apna Vasl kee raat bahut tuul huaa aakhir-kaar Mukhtasar ye hai ki faisal huaa qissa apna Gul khilaa kar abhee bulbul ko jalaa.oon kya kya Wo inaayat karen gar por kaa chhallaa apna Rabbee-arenee kee sadaa ho bhee to but bol uThen Aap dikhlaa.en agar dair men jalva apna Aa.eena-khaana men chal baiThiye do-chaar ghaDee Dekhnaa hove jo manzoor tamaashaa apna Jeete-jee khvesh-o-aqaarib the pas-e-marg afsos Khaak men daab diyaa koi na samjhaa apna Kisee sayyaad kee paD jaa.e na chiDiyaa pe nazar Aap sarkaa.en na mahram se dupaTTaa apna Aap sau baar ukhaD jaa.en nahin Kuch parvaa Jam gaya ek paree-zaad se naqsha apna Daam-e-mahram men phansaayaa hai khuda khair kare Aashiyaana na banaa baiThe ye chiDiyaa apna Garm-khvaabee ne tiree zab.h kiyaa ai qaatil Ek dam bhee na kalejaa huaa ThanDaa apna Rind-mashrab hain kisee se hamen Kuch kaam nahin Dair apna hai na ka.aba na kaleesaa apna Hai vahee sar vahee sauda vahee josh-e-vahshat Vasl tabdeel huee rang na badlaa apna Un kee zulfon ko ye da.avaa hai ki ham kaale hain Ham ne bachte nahin dekhaa kabhi maaraa apna Ghair se rakhiye na imdaad kee ummeed 'aaghaa' Kaam aataa hai miree jaan bharosaa apna