tire jalaal se khurshiid ko zavaal huaa

Tire jalaal se khursheed ko zavaal huaa Tire jamaal se mahtaab ko kamaal huaa Khiraam-e-naaz men un ko ye kab khayaal huaa Ki dil kisee kaa pisaa koi paa.emaal huaa Shabaab se tiree rangat kaa turfa haal huaa Sapeed joDaa jo pahnaa badan men laal huaa Jo vasl-e-yaar kee tadbeer kee visaal huaa Khayaal 'aish kaa aayaa to ik malaal huaa Hilaal badr huaa badr se hilaal huaa Yahaan kamaal kisee kaa na be-zavaal huaa Hazaaron saikDon paidaa hue hue naapaid Na ek dam bhee zamaane ko e'tidaal huaa Raqeeb qatl huaa us kee tegh-e-abroo se Haraam-zaada thaa achchhaa huaa halaal huaa Buton kaa zulm kisee ne sunaa na mahshar men Khuda se bhee miraa jhagDaa na infisaal huaa Kiye hain Khoon se kisee ke ye dast-o-paa rangeen Shikaar taaza koi aaj kya halaal huaa Jalaayaa mujh ko to tujh ko bhee lag gaya dhabba Jigar pe daagh mire rukh pe tere khaal huaa Jo main junoon men gaya soo-e-dasht ai 'aaghaa' To mujh ko dekh ke deevaana har ghazaal huaa