aap ki aankh agar aaj gulaabii hogii

Aap kee aankh agar aaj gulaabee hogee Meree sarkaar baDee sakht kharaabee hogee Mohtasib ne hee paDhaa hogaa maqaala pahle Miree taqreer ba-har-haal javaabee hogee Aankh uThaane se bhee pahle hee wo honge ghaa.eb Kya khabar thee ki unhen itnee shitaabee hogee Har mohabbat ko samajhtaa hai wo novel kaa varaq Us paree-zaad kee ta.aleem kitaabee hogee Shaikh-jee ham to jahannam ke parinde Thahre Aap ke paas to firdaus kee chaabee hogee Kar diyaa muusaa ko jis chiiz ne behosh 'adam' Be-naqaabee nahin wo neem-hijaabee hogee