ab do aalam se sadaa e saaz aatii hai mujhe
— Abdul Hamid Adam
Ab do-aalam se sadaa-e-saaz aatee hai mujhe
Dil kee aahaT se tiree awaaz aatee hai mujhe
JhaaD kar gard-e-gham-e-hastee ko uD jaa.oongaa main
Be-khabar aisi bhee ik parvaaz aatee hai mujhe
Yaa samaa.at kaa bharam hai yaa kisee naghme kee guunj
Ek pahchaanee huee awaaz aatee hai mujhe
Kis ne kholaa hai havaa men gesuon ko naaz se
Narm-rau barsaat kee awaaz aatee hai mujhe
Us kee naazuk ungliyon ko dekh kar aksar 'adam'
Ek halkee see sadaa-e-saaz aatee hai mujhe