bas is qadar hai khulaasa mirii kahaanii kaa

Bas is qadar hai khulaasa miree kahaanee kaa Ki ban ke Toot gaya ik habaab paanee kaa Milaa hai saaqee to raushan huaa hai ye mujh par Ki hazf thaa koi TukDaa miree kahaanee kaa Mujhe bhee chehre pe raunaq dikhaa.ee detee hai Ye mo.ajiza hai tabeebon kee khush-bayaanee kaa Hai dil men ek hee khwaish wo Doob jaane kee Koi shabaab koi husn hai ravaanee kaa Libaas-e-hashr men Kuch ho to aur kya hogaa Bujhaa saa ek chhanaakaa tiree javaanee kaa Karam ke rang nihaayat ajiib hote hain Sitam bhee ek tareeqa hai mehrbaanee kaa 'adam' bahaar ke mausam ne khud-kushee kar lee Khulaa jo rang kisee jism-e-arghavaanee kaa