bhuule se kabhi le jo koi naam hamaaraa

Bhoole se kabhee le jo koee naam hamaaraa Mar jaa.e khushee se dil-e-naakaam hamaaraa Le jaatee hai us samt hamen gardish-e-dauraan Ai dost kharaabaat se kya kaam hamaaraa Kar lete hain takhleeq koee vaj.h-e-aziyyat Bhaataa naheen khud ham ko bhee aaraam hamaaraa Ai gardish-e-dauraan ye koee soch kee rut hai Kam-bakht abhee daur men hai jaam hamaaraa Is baar to aayaa thaa idhar qaasid-e-jaan khud Sarkaar ko pahunchaa naheen paighaam hamaaraa Pahunchaa.ee hai takleef bahut pahle hee tujh ko Ai raah-numaa haath na ab thaam hamaaraa Ai qaafila-e-hosh ganvaa vaqt na apna PaDtaa naheen Kuch Thiik abhee gaam hamaaraa Dekhaa hai haram teraa magar haa.e-re zaahid Mahkaa huaa wo koocha-e-asnaam hamaaraa Ghilmaan bhee jannat ke baDee chiiz hain lekin Tauba miree wo saaqee-e-gulfaam hamaaraa Gul nauha-kunaan o sanam-e-dast-ba-seena Allaah ghanee! lamha-e-anjaam hamaaraa Kar baiThe hain ham bhuul ke tauba jo sahar ko Sheeshe ko ta.aaqub hai sar-e-shaam hamaaraa Mai piinaa 'adam' aur qadam choomnaa un ke Hai shaghl yahee ab sahar-o-shaam hamaaraa