ek naa maqbuul qurbaanii hoon main
— Abdul Hamid Adam
Ek naa-maqbool qurbaanee hoon main
Sar-phiree ulfat men laa-saanee hoon main
Main chalaa jaataa hoon vaan takleef se
Wo samajhte hain ki laa-saanee hoon main
Kaan dharte hee naheen wo baat par
Kab se masroof-e-sanaa-khvaanee hoon main
Zindagee hai ik kiraa.e kee khushee
Sookhte taalaab kaa paanee hoon main
Mujh se baDh kar kya koee hogaa amiir
Qeemtee virse kee arzaanee hoon main
Chaandnee raaton men yaaron ke baghair
Chaandnee raaton kee veeraanee hoon main
Kahnaa sunnaa un se mujh ko Kuch naheen
Sirf ik tamheed-e-toolaanee hoon main
Mujh ko pachhtaanaa naheen aataa 'adam'
Ek daulat-mand naadaanee hoon main